नेपाल–भारतबिच व्यापार–पारवहन सन्धिबारे नीति संवादः विगतका सन्धि–सम्झौता परिमार्जन गर्न विज्ञको सुझाव

विज्ञहरूले नेपाल र भारतबिच लगानी, व्यापार र पारवहनसँग सम्बन्धित विगतका सन्धि–सम्झौता समयानुकूल बनाउन सुझाव दिएका छन्। नेपाल–भारत अन्तरसरकारी समितिको आसन्न बैठकका लागि उनीहरूले उक्त सुझाव दिएका हुन्।

बैठकको पूर्वसन्ध्यामा नेपाल–भारत व्यापार तथा पारवहनसम्बन्धी मुद्दाबारे नेपाल–भारत उद्योग वाणिज्य संघ तथा युएसएडले आयोजना गरेको नीति संवादमा उनीहरूले भारतसँग व्यापार घाटा कम गर्ने विषयमा ठोस पहल लिन पनि सुझाव दिएका छन्।